Ginpadayaw ni Presidente Ferdinand ‘Bongbong’ Marcos, Jr. ang dala sini nga masobra P700 billion nga investment pledges nga iya natipon halin sa state visit sa Japan nga amo ang iya ika-10 nga overseas official trip halin sang nagpungko bilang presidente sang pungsod.
Suno sa presidente, makasarang man ini maghatag sang 24,000 ka mga trabaho sa mga Pinoy.
Kagab-i sang nag-abot ang presidente kaupod sanday First Lady Liza Araneta-Marcos, House speaker Martin Romualdez, former president and senior deputy speaker Gloria Macapagal-Arroyo, kag delegasyon sang Pilipinas halin sa lima ka adlaw nga pagbisita sa amo nga pungsod.
Sa iya arrival speech, ginbalikan ni Marcos nga ang iya meetings sa Japanese business leaders kag potential investors kun sa diin iya man ginpresentar ang business climate sa Pilipinas.
Nasaksihan man sini ang 35 ka key investment deals sa tunga sang duha ka pungsod.
Gin-highlight man sini ang iya pag-istorya sa executives sang Japanese shipping companies kag associations.
Importante ini suno kay Marcos bangud employed sa Japanese maritime industry ang halos 32,000 ka Filipino seafarers ukon 70 percent sang Japanese ship crews.
Lakip man sa na-highligt amo ang posibilidad sang tripartite deal sa tunga sang Pilipinas, Japan, kag United States.
