Iloilo City – Magapatuman sang panibag-o nga water supply schedule ang Metro Pacific Iloilo Water umpisa subong nga adlaw, Pebrero 21, agud patigayunon ang pagkay-o ukon maintenance activity sa linya sang tubig sa Iloilo City.
Ginapanan-aw nga ang paglubog sang tubig kag improvement activties sang mga bulk water suppliers ang rason sang maintenance activity.
Ginpaathag sang water distribution utility nga temporaryo nga maapektuhan ang pila ka mga lugar sa syudad kag probinsya sang Iloilo lakip na ang distrito sang Arevalo, Lapuz, City Proper, La Paz, Mandurriao, kag Jaro, kag amo man ang mga banwa sang Pavia kag Sta. Barbara, Iloilo.
Sa interview sang Bombo Radyo kay Iloilo City Jerry Treñas, iya ginpahayag nga makigsapol ini sa Metro Pacific Iloilo Water agud matutukan ang problema sang syudad may kaangtanan sa isyu sang access sa matinlo nga tubig.
(WATER WATER)
Nahibaluan nga ginkabalak-an sang Iloilo City Health Office ang leakage sa mga tubo sang Metro Pacific Iloilo Water rason nga mas ginpili sang 98.3% sang mga residente ang magbakal nalang sa mga water refilling stations.
Sa subong, nagpanugyan ang Metro Pacific Iloilo Water nga mahimo magtipon sang tubig ang mga apektado nga mga lugar sa tion sang water availabality.
