Iloilo City – Aprubado na ni Iloilo City Mayor Jerry Treñas ang patigayunon nga workshop dialogue sang Committee on Transportation agud istoryahan ang maayo nga paminatasan kag kultura sang mga Ilonggo natuhoy sa traffic kag road rules.
Sa interview sang Bombo Radyo kay Iloilo City Councilor Sedfrey Cabaluna, chairman sang Committee on Transportation, iya ginpahayag nga tinutuyo sang nasambit nga workshop ang matun-an ang mga sentimyento sang publiko agud pasanyugon ang traffic management sa syudad.
Suno kay Cabaluna, ini ang gintiguluhan niya nga “Sa Lugar Lang” agud mapamatian kag maistoryahan ang attitude kag behavior sang mga motorista kag commuters.
Natalana nga patigayunon ang workshop sa Pebrero 28 sa Iloilo City High School kaupod ang University of the Philippine Visayas kag Iloilo Public Safety and Transportation Management Office.
