Nabulong gid ang kahidlaw sang mga turista kag mismo taga-Baguio City sa tuigan nga Panagbenga Festival bangud ginbalik na ang kasadyahan sa dalanon matapos ang tatlo ka tuig nga pahuway dala sang Covid-19 pandemic.
Nangin madinuagon ang comeback sang festival kun sa diin may masobra 20 ka participants nga nagpadayaw sang ila unique nga floats sa Session Road, Harrison Road, kag sa Melvyn Jones Grandstand kag Football Field sa City of Pines.
Suno sa Baguio Flower Festival Foundation, Inc., yara sa 300,000 ka mga turista ang nagsaksi sa colorful performances sang mga estudyante nagikan sa nagkalain-lain nga eskwelahan sa syudad sang ginpatigayon ang Panagbenga Grand Float Parade sa Session Road nga amo ang culmination sang isa ka bulan nga selebrasyon.
Isa sa highlights sang Grand Float Parade amo ang seven-meter-long float nga may masobra 3,000 ka bundles of flowers nga may phoenix-themed design nga amo ang nagasimbolo sang rapid recovery sang Baguio City gikan sa epekto sang pandemya.
Ginbalik man ang Himig Hataw Night — nga subong yara na sa Season 3 — sang Bombo Radyo kag Star FM agud nga kilalahon ang local talents sa City of Pines.
Ang Panagbenga festival isa ka annual flower festival nga gina-selebrar kada Pebrero sa Baguio agud markahan ang ‘season of blooming’. ##
