Sa tunga sang nagasaka nga tensyon sa West Philippine Sea, naghingyo si President Ferdinand “Bongbong” Marcos Jr. sa pwersa sang militar nga mag-adjust depende sa sitwasyon.
Gin-athag sang presidente nga nagapangatubang subong ang Pilipinas sang mas complex nga foreign situation nga mas kumplikado pa sa away sang Russia kag Ukraine.
“Even if there is a war in Ukraine, here in the South China Sea, it is said to be the most difficult problem and the most complicated problem,” suno sa presidente sa Mandaue City.
Ini nga pagpanghangkat suno kay Marcos amo ang naglain sang mission sang Armed Forces of the Philippines bangud kinahanglan sang militar nga mag-adjust sa sitwasyon.
Sang una suno sa presidente, wala nagakabalaka ang Pilipinas sa pamahog kag paglala pa sang kumpetisyon sa tunga sang superpowers.
Sa malawig nga tion suno sa iya, na-maintain ang kalinong kag paghangpanay sa kaiping nga mga pungsod, apang lain na subong ang sitwasyon suno sa iya.
“That’s why I say the mission of the AFP, your mission, has changed. And we need to keep a close eye on our ex who doesn’t need to think too much,” dugang sini.
Kun balikan, sa isa ka interview sa Davos sa Switzerland sang Enero, ginpahayag ni Marcos nga nagapaninguha ang Pilipinas nga indi maipit sa tunga sang naga-compete nga world powers nga amo ang Amerika kag China. ##
