Padayon pa ang search and rescue operations para sa isa ka medical chopper nga nadula samtang may karga nga pasyente nga padulong sa isa ka ospital sa Palawan.
Sandig sa inisyal nga incident report nagikan sa Civil Aviation Authority of the Philippines, 7:30 sang aga sang nag-pick up ang helicopter sa isa ka babayi nga pasyente sa Mangsee Island sa Balabac town sa Palawan. Padulong na ini kuntani sa Southern Palawan Provincial Hospital sa Brooke’s Point, Palawan, north sang Mangsee Island, apang na-missing sang around 9:00 am.
Sa report, ang amo nga medical evacuation flight nga may registry no. N45VX kag gina-operate sang Philippine Adventist Medical Aviation Services ang ginalauman kuntani nga mag-abot sa ospital sang 10:30 a.m.
Sakay sini ang pilot nga si Daniel Lui,34; Khayrunniza Hamja, 29; watchers nga sanday Surga Hamja, 27 kag Hji Jan, 29; kag nurse nga si Janelle Adler, 22.
Nagbulig man ang Philippine Coast Guard sa search efforts paagi sa pag-deploy sang BRP Malabrigo kag nagatutok subong sa kadagatan nga sakop sang Brooke’s Point kag Balabac sa Palawan.
Ini na ang ikatatlo nga aircraft nga reported nga missing sa Pilipinas subong nga tuig.
Ang isa amo ang Cessna 340 nga nakit-an malapit sa crater sang Mayon Volcano sa Albay kun sa diin patay gid ang apat ka mga sakay; samtang ang isa naman amo ang isa pa ka Cessna plane nga nadula sang Enero 24 sa Cauayan, Isabela nga tubtub subong wala pa gihapon nakit-an.
