Rabies virus, pwede magtinir asta 30 tuig sa lawas sang tawo; ido nga may rabies mahimu mapatay sa sulod sang 90 ka adlaw

Iloilo City – Nagpaandam ang Iloilo City Health Office nga mahimo magtinir sa lawas ang rabies asta sa 30 ka tuig.

Sa interview sang Bombo Radyo kay Dr. Maila Buyco, Focal Person sang Rabies Prevention Program sang Iloilo City Health Office, iya ginpahayag nga nakadepende sa kagat sang ido sa parte sang lawas sang tawo ang paglapta sang rabies.

Dugang pa ni Muyco, mangin kabangdanan man ang nangin first-aid ukon pagbulong matapos nga ginkagat.

Samtang, nagakadapat nga bantayan ang nagkagat nga ido nga amo ang carrier sang rabies sa tion nga mapatay sa sulod sang 90 ka adlaw.

Nagpanugyan ang natungdan nga mahimo magpabakuna gilayon sa tion nga may nakit-an nga pilas kag lagob sa lawas.