Ginduso ni Senate President Juan Miguel Zubiri nga kinahanglan na ang “kamay na bakal” sa pungsod bangud sa asud-asud nga pagpang-atake sa mga opisyal sang gobyerno.
Lakip ini sa iya nga sponsorship speech sang nagpasar ang senado sang resolution nga hugot nga nagakondena sang serye sang pagpatay sa mga government officials kag pibado nga mga indibidwal.
Suno kay Zubiri, isa na ini ka “act of terrorism” kun basehan ang depinisyon sang Anti-Terrorism Act of 2020.
Gin-patpat man sang Senate leader ang “senseless murders” sang incumbent kag former government officials sa nagligad nga bulan lakip na sanday Negros Oriental Governor Roel Degamo; Aparri, Cagayan Vice Mayor Rommel Alameda; former Lamitan City, Basilan Mayor Rose Furigay; former Lobo, Batangas Vice Mayor Romeo Sulit; kag former Samar Mayor Miguel Abaigar.
Gindugang pa sini nga dapat nga kabigon nga terorista kag enemy of the state ang mga perpetrators lakip na ang mga mastermind.
“We must not let these heinous crimes pass as an inevitability. This is how the culture of impunity continues to grow, and this is how spineless murderers—shielded by anonymity and by hired gunmen—are emboldened to carry out these killings,” pahayag sang senate president. ##
