Iloilo – Patay ang isa ka driver matapos napilpilan sang ginamaneho nga dump truck sa Barangay Toyungan, Calinog, Iloilo.
Ang biktima amo si Val Gardose, 24, sang Barangay Tabuc Suba, Barotac Nuevo, Iloilo.
Sa interview sang Bombo Radyo kay Police Staff Sergeant Rex Amorin, imbestigador sang Calinog Municipal Police Station, iya ginpahayag nga pasaka kuntani ang truck sa takladon nga parte sang dalan sang hinali nalang nga napatay ang makina sini.
Suno kay Amorin, naglumpat gilayon ang biktima apang, naatrasan ini kag napilpilan sang truck.
Patal nga pilas sa ulo ang gintunaan sang kamatayon sang biktima.
