Mga mangunguma sa probinsya sang Iloilo, apektado sa pagkahubas sang tubig sa irigasyon

Pototan, Iloilo – Tuman ka naapektuhan ang mga mangunguma sa Barangay Igang, Pototan, Iloilo matapos nga naghubas ang tubig sa lugar.

Sa interview sang Bombo Radyo kay Elvira Quinto, isa ka mangunguma, iya ginpahayag nga kinahanglan pa sini nga magasto sang diesel sang motor agud magpatubod sang tubig.

Suno kay Quinto, nakaubos ini sang 140 nga litro sang diesel sa isa ka adlaw.

Ini na ang ika-15 nga adlaw sang nag-untat ang tubig sang irigasyon.

Ginpahayag dugang sang natungdan nga duha ka mga motor ang ginagamit agud makapasaka sang tubig para sa mga pananom sini.