ILOILO CITY – Nagdangat sa 43.47% sang total examinees sa November 2022 Philippine Bar Examination ang nakapasar base sa ginpagwa nga resulta subong gid lamang nga adlaw.
Sa kabug-usan nga 9,183 examinees, 3,992 ang nakapasar sa pasinawan.
Ang amo nga exam ang ikaduha nga digitalized kag regionalized bar exam nga gin-conduct sang Korte Suprema.
Gina-abisuhan ang mga Bar passers nga maghulat sa anunsyo kaangot sa clearance procedure amo man ang para sa Oath-Taking kag Roll-Signing sa Mayo 2, 2023.
Matandaan nga ginpatigayon ang exam sang nagligad nga Nobyembre 9, 13, 16 kag 20, 2022 sa 14 ka local testing centers sa bilog nga pungsod.
Yari naman ang top 10 examinees nga may highest ratings:
- DAYDAY, Czar Matthew Gerard Torres – University of the Philippines- 88.80838%
- MARINAS, Erickson Cayabyab -University of the Philippines- 88.7666%
3.CREGENCIA, Christiane Claire- University of the Philippines- 87.96678%
- YU, Andrea Jasmine Ong- University of the Philippines- 87.77508%
- GATAPIA, Kim Gia Grande- University of the Philippines- 87.42508%
- BAES, Gabriel Gil Manlambus- University of San Carlos – 87.2500%
- REYES, Luigi Nico Mosqueda- San Beda College Alabang- 87.19178%
- UY, Rio Mei Lungub- Ateneo de Manila University- 87.05828%
- VERGARA, Mark David Quinit- Ateneo de Manila University- 87.00838%
- ORENCIA, Jaims Gabriel Lopez- Ateneo de Manila University- 86.90018%
Samtang, ang University of San Agustin ang may 85 takers, 54 diri ang nakapasar nga ginabug-usan sang 63.53% sang total examinees.
