ILOILO CITY – Ginpahayag sang Department of Health nga wala ini nagadali sa pag-recommend sang lifting sang Coronavirus Disease 2019 state of public health emergency.
Suno kay Department of Health officer-in-charge Maria Rosario Vergeire, ang state of public health emergency ang mahimo nga mabawi sa tion nga makabig na nga manageable ang kaso sang Coronavirus Disease 2019 kag sa tion nga handa na ang mga ospital.
Una na nga ginpahayag ni Vergeire nga ang pungsod ang mahimo lamang nga magtapos sang state of public health emergency kun ang infections kag ang hospital utilization ang magapabilin nga manageable.
Sang Abril 11, gintapos na sang Estados Unidos ang COVID-19 national health emergency matapos ang masobra sa tatlo ka tuig.
Ang state of public health emergency sa Pilipinas ang gindeklarar ni anay President Rodrigo Duterte sang March 2020, sang nagsugod gid ang pandemya.
