LAPUZ, ILOILO CITY – Dakop ang isa ka indibidwal, samtang nakapalagyo naman ang kaupod sini sa ginpatigayon nga drug buy-bust operation sa Zone 1, Barangay Alalasan, Lapuz, Iloilo City.
Ang nadakpan amo si April Danise Zapansa, 31, kag residente sang Block 33 Lot 2 Balabag Deca 3, Balabag, Pavia, Iloilo.
Samtang, at large naman si Carlo Castillo, 32, kag residente sang Zone 1, Barangay Alalasan, Lapuz, Iloilo City.
Sa interview sang Bombo Radyo kay Police Captain Johnna Aguil, hepe sang La Paz Police Station, iya ginpahayag nga natinguhaan pa ni Castillo nga makapalagyo bangud tuman ka tago ukon ‘secluded’ ang lugar.
Suno kay Aguil, narekober ang lima ka sachet sang suspected shabu nga nagabug-at sang duha ka gramos nga may standard drug price nga P13, 600, kag nakuha man ang P3,500 nga drug buy-bust money.
Sa subong, preso na si Zapansa sa La Paz Police Station kag magaatubang sang kaso sa paglapas sa Republic Act 9165 ukon ang Comprehensive Dangerous Drugs Act of 2002.
