ILOILO CITY – Nagpatigayon sang courtesy visit si Chinese Foreign Minister Qin Gang kay President Ferdinand “Bongbong” Marcos Jr. sa Malacañang.
Suno sa Presidential Communications Office, ginpahayag ni Marcos nga ang meeting kay Qin ang isa ka opurtunidad agud nga matadlong ang indi pag-intindihanay nga nagsaka sa tunga sang duha ka mga pungsod.
Pahayag sang presidente, may pila ka mga announcements nga ginhimo ang duha ka pungsod nga posible nga na-misinterpret.
Una na nga ginpahayag sang presidente nga nakibot ini sa pinakaulihi nga pahayag ni Chinese Ambassador to the Philippines Huang Xilian.
(HUANG XILIAN)
Kun balik-balikan, gin-abisuhan sang China ang Pilipinas nga pamalabagan ang kahilwayan sang Taiwan sa baylo nga paghatag sang access sa Estados Unidos sa mga facilities malapit sa Taiwan Strait.
Suno kay Huang, ini ang himuon sang pungsod kun matuod ini nga nagaulikid sa 150,000 nga overseas Filipino workers sa Taiwan.
Samtang, ginpahayag ni Marcos nga tuman ka produktibo ang nangin meeting niya kay Qin kun sa diin, na-istoryahan ang nagasanyog nga relasyon sa tunga sang Pilipinas kag China.
Na-istoryahan indi lang ang ekonomiya kundi mangin ang educational kag iban pa nga exchanges.
Sa posible conflict, pahayag ni Marcos, nahisugtan nila ni Qin nga magtukod sang komunikasyon agud nga gilayon nga ma-resolve ang anuman nga magkalatabo sa West Philippine Sea nga kaulamiran sang China kag Pilipinas.
