ILOILO CITY – Ginbuyagyag ni Miss Universe owner Anne Jakrajutatip kun ano ang ginhambal niya kay Miss Universe 2018 Catriona Gray sa isa ka video nga kuha sa Miss Universe event sa Bangkok, Thailand sang nagligad nga tuig.
Suno sa Thai billionaire, first time niya nga nakita si Catriona sang 2022 kag ginkuha niya ang opportunity nga maka-istorya ini may kaangtanan sa ila past issue.
Gin-welcome ni Anne si Catriona sa Thailand kag nagpangayo sang pasaylo diri.
Ginpahayag man ni Anne nga si Catriona ang iya paborito nga beauty queen.
Sang 2019, si Anne ang ginbati-bati nga may karelasyon sa anay nobyo ni Catrion nga si Clint Bondad.
Apang, ginklaro ni Anne nga ginakabig lamang niya si Clint nga “little brother” niya.
Si Anne ang nag-abot sa Manila agud nga magtambong sang Miss Universe Philippines coronation night sa Sabado, Mayo 13 sa Mall of Asia Arena.
