Nagpaandam ang Police Regional Office 6 nga wala sang pasin-uhon ang talatapan kun mapamatud-an nga may mga police scalawags sa rehiyon.
Sa interview sang Bombo Radyo kay Police Brigadier General Archival Macala, officer-in-charge sang Police Regional Office 6, iya ginpahayag nga wala sang santuhon ang Philippine National Police bangud pat-od nga pahalinon sa serbisyo kag presuhon ang madakpan nga involved sa iligal nga mga aktibidad.
Kasunod ini sang anunsyo ni PNP Chief Police General Benjamin Acorda Jr. nga may 3,000 ka mga police personnel nga yara sa watchlist sang PNP bangud sa kahilabtanan sa iligal nga aktibidad kaangay sang extortion, iligal nga droga, kag pagpangilkil.
Gina-monitor ini nga mga pulis sa subong kag ginahanda na ang mga kaso nga posible ipasaka.
Nagpanawagan man ang talatapan sa publiko nga indi magkahadlok kag gilayon nga i-report kun may nahibaluan nga police officers nga involved sa criminal activities. #
