Duha ang patay matapos nagbunggo ang ginasakyan nga motorsiklo sa food stall sa Barangay Bolilao, Mandurriao, Iloilo City.
Ang mga biktima amo ang driver nga si Rupert Cainan Tolosa, 23, residente sang Dingle, Iloilo; kag ang angkas kag nobya sini nga si Baileys Singian, 23, residente sang Barangay Buntatala, Jaro.
Magluwas sa duha nga napatay, sandig sa rekord sang Mandurriao Police Station, nasamaran man ang apat ka iban pa nga tawo nga yara sa lugar sang natabo ang vehicular accident.
Sa interview sang Bombo Radyo kay Police Corporal Cyrus Quicoy, traffic investigator sang Mandurriao Police Station, iya ginpahayag nga halin sa stoplight padulong sa service road sa Barangay Bolilao ang mga biktima sang natabo ang aksidente kaina sang kaagahon.
Indi pa maathag suno sa pulis kun naka-inom sang makahulubog nga ilimnon ang driver nga amo ang posible rason sang aksidente. #
