I-pain sang Land Transportation Office (LTO) sa manuglakat nga overseas Filipino workers (OFWs) ang nabilin nga plastic cards sang ahensya para sa ila nga driver’s license.
Base sa estimate, yara na lang sa 53,000 ang nabilin nga plastic cards sa tanan nga satellite offices sang LTO.
Suno kay LTO officer-in-charge Hector Villacorta, ginmanduan na sini ang ahensya nga hatagan sang prayoridad ang mga OFWs bangud kinahanglan nila ini sa trabaho.
Nagakahangawa si Villacorta nga indi pagbatunon sang Saudi Arabia ukon sa Middle East ang driver’s licenses nga naka-imprinta sa papel bangud daw indi mapatihan.
Si Villacorta nga amo subong ang Transportation assistant secretary for communication and commuter welfare amo ang gin-appoint nga caretaker sang opisina bangud sa pag-resign ni Jay Art Tugade bangud sa indi paghangpanay kay Transportation Secretary Jimmy Bautista.
Una na nga ginpahayag nga ang delay sa procurement amo ang rason kun ngaa kulang ang supply sang plastic cards kag blank plates. #
