Suportado sang duha ka mga senador ang anuman nga tikang agud ipasaka sa Korte Suprema ang kontrobersyal nga Maharlika Investment Fund bill.
Pareho nga nagamapalabag ang opposition senators nga sanday Senator Koko Pimentel kag Senator Risa Hontiveros sa amo nga hagna.
Suno kay Pimentel, kun hangkaton gid man sa Supreme Court ini nga hagna, handa siya nga mangin source sang impormasyon kag argumento.
Sa pihak nga bahin, bisan indi na paggamiton ang pension kag social welfare funds bilang seed capital para sa Maharlika Investment Fund, nagapati gihapon si Hontiveros nga indi pa kinahanglanan sang Pilipinas ini nga hagna.
Ginsaad sang senador ang Article 12, Section 16 sang 1987 Constitution kun sa diin nakasaad nga dapat makapasar ang Government-owned or controlled corporations sa test sang economic viability.
Madamo pa sang argumento ang economic experts suno kay Hontiveros kaangot kun bala nakapasar gid man ang Maharlika Wealth Fund ukon napaidalom gid man sa sini nga sahi sang test.
Nahibaluan nga nagahulat na lang sang pirma ni President Ferdinand Marcos Jr. ang amo nga hagna kag dalayon na nga mangin layi sa Pilipinas. #
