Ginalantaw ni Finance Secretary Benjamin Diokno nga antes matapos ang 2023, ‘fully operational’ na ang kontrobersyal nga Maharlika Investment Fund (MIF) ukon ang labing-una nga sovereign wealth fund sang pungsod.
Kumpyansa si Diokno nga pirmahan ni President Ferdinand Marcos Jr. ang hagna antes ini mag-deliver sang iya ikaduha nga State of the Nation Address (SONA) sa Hulyo 24.
Sa subong, nagakinahanglan na lang sang pirma sang presidente ang hagna antes dalayon nga mangin layi.
Kun mahimo na nga layi, magahimo sila sang implementing rules and regulations (IRR) suno kay Diokno kag mangita sang tawo nga magalantaw ukon mag-oversee sa Maharlika Investment Corporation.
Mahimo nga government-owned company ini nga korporasyon kag ini ang maga-manage sa sovereign wealth fund nga MIF. Sa MIF bill, nakasaad nga tukuron ang Maharlika Fund paagi sa masunod: P50 billion halin sa Land Bank of the Philippines (LBP); P25 billion halin sa Development Bank of the Philippines (DBP); kag P50 billion halin sa National Government. #
