ILOILO CITY – Gin-appoint ni President Ferdinand Marcos, Jr. si Suharto Mangudadatu bilang bag-o nga director-general sang Technical Education and Skills Development Authority.
Ginbuslan ni Mangudadatu nga isa ka anay mamalidha sa House of Representatives, si Danilo Cruz nga gin-appoint ni Marcos sang Hulyo sang nagligad nga tuig.
Antes gin-appoint sa posisyon, siya ang nangin gobernador sang Sultan Kudarat humalin sang Hulyo 2019 tubtob sang Hunyo sang nagligad nga tuig.
Sang Hulyo 1998 tubtob Hunyo 2004, siya ang nangin alkalde sang Lutayan sa amo man nga probinsya.
Si Mangudadatu ang may degree nga Bachelor of Science in Physical Therapy sa Southwestern University sa Cebu.
Siya ang ginhatagan sang honorary Doctor of Philosophy degree nagikan sa Sultan Kudarat State University.
Sang nagligad nga bulan, ginpahayag sang Technical Education and Skills Development Authority nga ginalauman ang pagsaka sang enrollees subong nga tuig bangud sang padayon nga pagbukas sang ekonomiya nga nagatanyag sang dugang nga job opportunities.
