ILOILO CITY- Ginpahalin sang Public Safety and Transportation Management Office ang mga vendors nga nagabaligya sa sulod sang caution tape nga ginbutang sang Office of Bulding Official sa mga building nga nagakalataktak ang semento.
Sa interview sang Bombo Radyo kay Mr. Jeck Conlu, iya ginpahayag nga nakabaton ang iya talatapan sang mga report nga nagapadayon sa pagbaligya ang mga vendors sa area nga may yara sang caution tape.
Suno kay Mr. Conlu,sa pagkamatuod, mas gin- extend pa nila ang caution tape para sa seguridad sang mga tawo.
Nahibaluan nga sang nagligad nga semana, ginsapol ni Mayor Jerry Treñas ang tag iya sang mga heritage buildings apang may duha ka mga owners nga wala nakatambong.
Ginhatagan naman ni Mayor Treñas sang lima ka adlaw nga notice ang mga wala nagpakita sa pagsinapol.
