ILOILO CITY – Ginkumpirma ni Philippine Institute of Volcanology and Seismology director Dr. Teresito Bacolcol nga nagalupok na ang Bulkan Mayon kun sa diin, ang aktibidad ang naga-concentrate lamang sa baba sini gani indi pa delikado sa subong.
Sa pihak sini, ang bulkan ang yara sa gihapon sa idalom sang alert level 3.
Nagapadayon naman sa subong ang evacuation sang mga residente nga sakup sang 6-kilometer permanent danger zone.
Suno sa Albay Public Safety and Emergency Management Office, ginabanta 4, 000 na ka mga pamilya ang gina-evacuate.
Personal man nga nagpanagtag sang relief goods Social Welfare Secretary Rex Gatchalian sa mga displaced residents nga nagatinir sa Anislag evacuation center sa Daraga, Albay.
Suno kay Gatchalian, linibo ka mga food packs ang gin-turn over sa local government sang Albay.
Nagpasalig man ini nga may yara pa sang dugang nga assistance nga ihatag kun kinahanglan.
