ILOILO CITY – Amat-amat na nga naga-recover si Pope Francis nagikan sa hernia operation apang indi magtambong sa Angelus prayer subong nga adlaw.
Si Pope Francis ang nagpaidalom sa tatlo ka oras nga operasyon sa Gemelli hospital sa Rome nga amo ang pinakaulihi nga health procedure para sa 86 anyos nga lider sang Simbahang Katolika.
Ang tanan nga papal audiences ang ginkanselar tubtob sa Hunyo 18 agud nga mahatagan sang nagaka-igo nga tion ang Santo Papa nga mag-recover.
Sa pihak sang iya kondisyon, nagpadayon ini sa gihapon sang iya trabaho samtang nga yara sa iya hospital room.
Suno sa surgeon nga nag-opera sa Santo Papa, wala ini sang hilanat kag ang tanan nga cardio-respiratory functions ang normal sa gihapon.
Apang, ginrekomendar sang mga doctor nga indi anay magtambong sa public Angelus prayer si Pope Francis agud nga malikawan ang stress sa abdominal muscles.
Si Pope Francis ang nagasuprer sa hernia sa pilas nagikan sa nagligad nga operasyon.
Kung madumduman, sang Marso, nagtinir man ini sang tatlo ka gab-i sa ospital matapos gin-treat sang antibiotics para sa respiratory infection.
Sang Hulyo sang nagligad nga tuig, nagpaidalom man ini sa operasyon sa diverticulitis kun sa din, nagtinir ini sang 10 ka adlaw sa ospital.
