ILOILO CITY- Nagalaum si Iloilo City Mayor Jerry Treñas nga paagi sa madihon sang Bureau of Fire Protection kaupod sa City Disaster Risk Reduction and Management Office kag Public Safety and Transportation Management Office nga Standard Operating Procedure sa mga hitabo nga involved ang public safety, indi na masulit ang ginbansagan Baldoza tragedy.
Sa interview sang Bombo Radyo kay Iloilo City Mayor Jerry Treñas, iya ginpahayag nga importante nga elemento ang crowd control kun may kaangay nga aksidente.
Suno pa sa alkalde,indi niya mabatas nga masulit pa ini ilabi na nga suno sa iya,una ini nga sahi sang insidente nga natabo sa syudad.
Una na nagpasalig ang natungdan nga magahatag sang financial kag dugang nga mga bulig ang syudad sa pamilya sang duha ka napatay nga mga biktima kag amo man ang 17 ka iban pa nga nakaangkon sang injuries kag ang iban nagapabilin pa sa ospital.
