ILOILO CITY- Nasapwan nga nagalutaw sa suba kag wala na sang kabuhi ang isa lalaki nga na-missing sa sulod na sang pila ka adlaw sa Barangay Sapao, Dumangas, Iloilo.
Ang napatay amo si Hernan Celiz, 37, nagatrabaho bilang mangunguma, kag residente sang Sitio Bolod 2, Barangay Pulao, apang temporayo nga nagapuyo sa Barangay Talusan sa amo nga banwa.
Sa interview sang Bombo Radyo kay Police Chief Master Sergeant Kim John Banzon, chief Investigator sang Dumangas Municipal Police Station, iya ginpahayag nga yara na sa advance state of decomposition ang bangkay kag posible pila na ka adlaw nga nagalutaw sa suba.
Suno kay Banzon, Hunyo 13 sang gin-report nga missing ang lalaki .
Nakumpirma man nga may yara ini sang nervous breakdown.
Ginahibalo pa ang kabangdanan sang kamatayon sang biktima.
