ILOILO CITY – Nagakadapat nga may yara sang otoridad ang United Nations General Assembly nga sawayon ang China suno kay Senate Deputy Minority Leader Risa Hontiveros.
Ini ang pahayag sang mamalidha matapos gin-file sini ang resolution nga nagaduso sa Philippine government nga hingyu-on ang United Nations General Assembly nga sawayon ang China sa padayon nga paggarit-garit sa mga manugpangisda sa West Philippine Sea.
Ginpa-athag sang opposition lawmaker nga apisar nga wala sang kontrata nga nagasaad sang partikular nga pagsulundan ukon restrictions ang ang resolution sang United Nations General Assembly, dapat nga may yara ini sang significant political weight nga nagapakita sang will kag consensus sang international community.
Ginsulit man niya nga ang resolution ang may posibilidad nga mag-impluwensya sa national policies kag makahatag sang guidance para sa trabaho sang iban nga United Nations organizations, specialized agencies, kag regional organizations.
Sang nagligad lamang nga semana, ginapakamalaut sang mga mangingisda sa Pag-asa Island nga sakup pa sang 200 nautical mile exclusive economic zone sang Pilipinas, ang China nga naga-balabag sa ila access sa manggaron nga fishing ground nga nagresulta sa ila nga pagkagutom.
