ILOILO CITY- Nagpahanumdom ang Chairman sang Committee on Transportation sa Iloilo City Council sa mga operators sang mga public transportation sa importansya sang background checking sa ila mga drivers.
Ini kasunod sang natabo nga pag-harass sang taxi driver sa iya pasahero sa Iloilo City.
Sa interview sang Bombo Radyo kay Councilor Sedfrey Cabaluna, iya ginpahayag nga may yara san responsibilidad ang mga operators nga i-check ang integridad kag reputasyon sang mga drivers.
Suno kay Councilor Cabaluna, isa man sa mga rason kung nga gina- require ang clearances kag background checking para mapasigurado sa bahin sang operators ang mga ginapang- hire nila.
Paathag sang konsehal, wala man niya gina- tolerar ang victim blaming sa insidente kasunod sang komento sang iban nga kuntani wala nagpungko sa front seat ang biktima.
Ginakondenar kag nasubuan ang konsehal sa akto nga ginhimo sang taxi driver bangud nakaapekto ini sa iban nga maayo nga mga drivers.
Panugyan naman niya sa mga pasahero ngaa dapat mangin alerto gid kag i- check gid ang plate number sang taxi kag iban nga importante nga detalye agud mahapos ma-trace kun may indi maayo nga ginhimo ang driver.
