ILOILO CITY- Nagalaum si Punong Barangay Wilbur Orada sang Tanza Esperanza nga malab-ot nila ang handom nga mangin drug-cleared ang ila lugar.
Sa interview sang Bombo Radyo kay Orada, iya ginpahayag nga apisar nangin pugaran ini sang iligal nga druga sadto, nagaamat-amat na ini tahaw sa ila barangay.
Suno sa opisyal, ini bangud mas nahangpan na sang mga pumuluyo ang importansiya sang kampanya batok sa amo nga buluhaton.
Dugang niya, padayon man ang ila hugot nga monitoring sa mga pangayaw nga nagasulod sa ila barangay agud masiguro nga wala ang mga ini nagadala sang iligal nga druga.
Nahibaluan nga sa Iloilo City, 52.22% pa lang sang mga barangay ang nadeklarar nga drug-cleared.
