ILOILO CITY- Masobra 2,000 ka mga indibidwal nga naangot sa anti- illegal gambling operations ang nadakpan sang Police Regional Office 6.
Ini matapos ang one-strike policy sang Philippine National Police nga papason ang ano nga sahi sang iligal nga aktibidad sa rehiyon sa diin, kun madiskubrehan ang illegal gambling activity sa isa ka area, gilayon nga ma-relieve sa posisyon ang unit commander.
Sa interview sang Bombo Radyo kay Police Major Mary Grace Socorro Borio, spokesperson sang talatapan, iya ginpahayag nga as of January to June 2023, may yara sang recorded nga 814 ka mga anti illegal gambling operations nga nagresulta sa pagkadakop sang 2,581 ka mga indibidwal, kag pagkumpiska sang P595, 290.25 nga bet money.
Suno kay Borio, pila sa mga halimbawa sang gambling activities amo ang billiard, pares-pares, pusoy, kag madamo sang iban pa.
Diri sa Iloilo City, may yara sang 60 ka mga anti illegal gambling operations nga nagresulta sa pagkadakop sang 231 ka mga indibidwal.
Samtang ang Probinsya sang Iloilo naman 87 ka mga anti illegal gambling operations nga nagresulta sa pagkadako 224 ka mga indibuidwal.
Para kay Borio, nagalaom ini nga mas pabug-aton ang penalidad sang mga nagalapas sa Anti-Gambling Activity agud madudla kag indi na pagliwaton ang kaangay nga buluhaton.
Nahibaluan nga sa idalom sang Honest and Aggressive Law Enforcement Operations sa 5-focused Agenda ni Chief PNP Police General Benjamin C Acorda Jr. nalakip ang Anti Illegal Gambling Operations sa diin nagalaom ini sang high-impact, high-integrity result.
