ILOILO CITY- Ginpang-impound sang Iloilo City Government ang pila ka mga salakyan kag ginpangkakas ang mga structures sa mga dalanon kun sa diin nahamtang ang mga temporary stalls sang mga vendors sa Iloilo Terminal Market kag Central Market.
Ini kadungan sang ginpatigayon nga clearing operation sang Anti-Squatting and Illegal Structures Unit sang Public Safety and Transportation Management Office.
Sa interview sang Bombo Radyo kay Mr. Jeck Conlu, pinuno sang opisina, iya ginpahayag nga katuyuan sang operasyon nga indi magpugok ang trapiko kag maghawan ang mga dalanon nga nahamtangan sang temporary stalls.
Suno kay Conlu, adlaw-adlaw nila patigayunon ang clearing kadungan sang pagpangabay sa publiko nga magsunod sa traffic rules kag regulations sa syudad.
