ILOILO CITY – Wala pa sang mga Filipino nga nag-request nga magpauli sa Pilipinas.
Suno kay Bombo Genevive Dignadice direkta sa Moscow, bangud nga wala man sang tensyon sa capital city, mas ginpili sang mga Filipino nga magpabilin didto.
May yara man sang ginatanyag ang Department of Migrant Workers nga repatriation para sa mga Filipino apang kadam-an sa gihapon sa ila ang nagapabilin sa amo nga syudad bangud sang kakulang sang opurtunidad para sa ila diri sa pungsod.
Una na nga nag-abiso ang Philippine Embassy sa Moscow sa mga Filipino sa Russia nga mag-aligmat kag maghalong.
Sa advisory nga ginpagwa pinaagi sa Facebook page, nagpanugyan ang embahada nga likawan ang pagpadulong sa mga matawo nga lugar, magpakigbahin sa mga protesta, kag magpahayag sang political opinion sa ila tagsa ka social media.
Gina-abisuhan man ang mga ini nga kun mahimo, likawan ang pagbyahe sa iban nga rehiyon.
Ang embahada ang nagapakig-angut sa walo ka mga Filipinos nga yara sa Rostov-on-Don.
Ang kalabanan sa 10, 000 nga mga Filipinos sa Russia ang yara sa Moscow.
