ILOILO CITY- Ginaako sang Philippine National Police nga pagpanghangkat sa gihapon kun paano mabalik ang pagsalig sang kag madula ang kahadlok sa ila sang mga pumuluyo ilabi na sang mga kabataan.
Sa interview sang Bombo Radyo kay Police Major Mary Grace Borio, spokesperson sang Police Regional Office 6, iya ginpahayag nga ini ang rason kun ngaa ginatutukan nila ang pagtukod sang maayo nga relasyon sa komunidad.
Kadungan ini sang ginaobsebar nga ika-28 nga ‘Police Community Relations Month subong nga Hulyo kag may tema nga Serbisyong Nagkakaisa Para sa Ligtas at Maunlad na Pamayanan.’
Samtang, ginpadayaw naman ni Borio nga base sa survey nga ila ginpatigayon agud takson ang pagsalig sang komunidad sa kapulisan, nagapabilin ini nga satisfactory ukon mataas.
