ILOILO CITY- Bawion ni Iloilo City Mayor Jerry Treñas ang pagdeklarar sini kay Bacolod City Vice Mayor El Cid Familiaran bilang persona non-grata.
Ini ang sabat sang alkalde sa hingyo ni Bacolod City Mayor Albee Benitez nga i-recall ang executive order.
Suno kay Mayor Treñas, apisar wala nakapangayo sang pasaylo si Familiaran, himuon niya ang pagbawi sang deklarasyon para na gid lamang sa panawagan ni Benitez.
Matandaan nga nag-ugat ang deklarasyon ni Treñas sang nag-abot ang mga Badjao sa Iloilo halin sa Bacolod nga kuntani, ipadul-ong sa Dumaguete City agud papaulion sa Zamboanga.
Madumduman man nga gintawag ni Familiaran si Treñas nga pulok-pulok kag sunod-sunod na ang ila nangin word war.
