ILOILO CITY- Sayluhon ang cluster 1 kag cluster 2 sang meat section sang Iloilo Terminal Market bangud sa tuman nga kabaho sa ila nga pwesto.
Sa interview sang Bombo Radyo kay Ms Maricel Mabacquiao, pinuno sang Local Economic Enterprise Office, iya ginpahayag nga problema sa area ang sanitation mismo sang mga vendors kag ang drainage sa lugar.
Sa pag-check naman sang team sang Bombo Radyo sa temporary stalls sa dalan Rizal, ang ang drainage ang tuman ka layo sa area sang cluster 1 kag cluster 2 rason nga sa kanal na lamang nagakadto ang tubig nga ginagamit sang mga meat vendors apang wala nagailig rason nga nagabaho.
Ang problema naman sa drainage, posible nga barado ini.
Suno kay Mabacquiao, una naman nga nagreklamo ang mga pumuluyo nga nagaistar sa lugar gani nagpatigayon man sang intervention ang syudad apang wala gid sang improvement.
Gin-athag naman sang natungdan nga indi man tuman ka layo ang salyuhan sang cluster 1 kag cluster 2.
