ILOILO CITY – Yara sa ‘wait and see’ mode ang Philippine Basketball Association may kaangtanan sa kaso sang sang Gilas Pilipinas naturalized player kag Barangay Ginebra import nga si Justin Brownlee nga nagpositibo sa prohibited substance sa 19th Asian Games.
Sang Oktubre 13, ginbuyagyag sang International Testing Agency nga nagpositibo si Brownlee sa Carboxy-THC.
Sa pagbukas sang liga sa Nobyembre 5 para sa reinforcement-laden Commissioner’s Cup, suno kanday PBA Board chairman Ricky Vargas kag PBA commissioner Willie Marcial, magahulat sila kun dagdagan sang sanctions si Brownlee.
Suno kay Marcial, maga-adopt ang liga kun may yara na sang desisyon.
Sa subong, ginpahayag ni Barangay Ginebra San Miguel team governor Alfrancis Chua nga ginapapahuway nila anay si Brownlee sa Estados Unidos upod sa iya pamilya.
Apang bangud nga magabukas na ang liga sa masunod nga tatlo ka semana, ginpahayag ni Chua nga ginalantaw nila ang posible nga pagbulos kay Brownlee.
Si Brownlee ang may tubtob sa Oktubre 19 nga mag-plead sa iya kaso kag mag-retest sang amo man nga urine sample.
Una na nga ginpahayag ni Philippine Olympic Committee president Abraham Tolentino nga ang substance ang posible nga makuha sang ini ang nagapaidalom sa treatment sa Estados Unidos.
Ang Ginebra ang magabukas sang ila title defense campaign sa Nobyembre 17 batuk sa Converge FiberXers.
