ILOILO CITY – Gina-abi-abi sang Commission on Elections ang desisyon sang Supreme Court nga pagbasura sang motion for reconsideration nga halinon sa 2026 ang masunod nga barangay and Sangguniang Kabataan elections.
Ang rason sang poll body amo nga bangud nga ang barangay and Sangguniang Kabataan elections ang hiwaton subong nga Oktubre 2023 gani nagakadapat nga ini ang liwat nga hiwaton sa masunod nga tatlo ka tuig sa bangud nga ang ginahatag nga term of office para sa mga barangay officials ang nagdangat sa tatlo ka tuig.
Apang sa ruling, ginpahayag sang Supreme Court nga bangud nga term of office sang mga nagapungko subong nga mga barangay kag Sangguniang Kabataan officials ang dapat nga nagtakup na sang Disyembre 31, 2022, ang term of office sang October 2023 winning candidates ang dapat man nga magsugod gilayo bilang pagsunod sa RA 11462 ukon ang An Act postponing the December 2022 Barangay and Sangguniang Kabataan Elections.
Sa isa ka mensahe, ginpahayag ni Comelec chairman George Garcia nga nakahanda ang poll body nga magpatigayon sang eleksyon sa anuman nga oras kag lugar.
Ang Republic Act 11935 nga ginpirmahan bilang layi ni President Ferdinand Marcos Jr. sang Oktubre sang nagligad nga tuig ang naga-isol sang schedule sang eleksyon sa katapusan nga Lunes sang Oktubre 2023 nagikan sa Disyembre 5, 2022 agud nga makakinot sang binilyon ka pesos.
Sang Hunyo, gin-anunsiyo sang Supreme Court nga unconstitutional ang layi nga naga-postpone sa election apang ginmandu man nga ang election sa masunod nga Lunes ang magapadayon.
Bangud nga gindeklarar ini nga unconstitutional, ginpahayag sang high court nga ang Republic Act 11462 ang gin-revive nga naga-limit na sang termino sang mga opisyal sa December 31, 2022.
Ang tanan nga nagapungko nga barangay kag Sangguniang Kabataan officials ang yara lamang sa “hold-over” capacity.
Agud nga malikawan ang pagsalangisag, gin-athag sang Supreme Court nga ang masunod nga barangay and Sangguniang Kabataan elections ang hiwaton sa una nga semana sang December 2025 kag sa masunod nga tatlo ka tuig.
