ILOILO CITY – Posible nga magagamit sang termino nga “Sea of Asia” ang Pilipinas sa kaso nga ipasaka batuk sa China bangud sa pagguba sang corals kag iban pa nga gina-alegar environmental crimes sa West Philippine Sea.
Nakigkita si Justice Secretary Crispin Remulla kay former Supreme Court Associate Justice kag former Solicitor General Francis Jardeleza, international environmental law expert Antonio Oposa kag Philippine Coast Guard Spokesperson for the West Philippine Sea Commodore Jay Tarriela.
Suno sa Justice Secretary, ang termino nga “Sea of Asia” ang nagakahulugan nga ang kadagatan ang shared resource para sa bilog nga kalibutan.
Pahayag niya, ang environmental complaint ang posible nga mapasaka sa 2024.
Ang diskusyon may kaangtanan sa posible kaso ang natigayon kasunod sang severe damage nga nadiskubrehan sang Philippine Coast Guard sa ginpatigayon nga underwater inspections sa Iroquois Reef kag Sabina Shoal.
Dugang pa niya, ang bag-o nga kaso ang ginalauman nga magatulod sa China nga respetuhon ang international maritime laws.
Sa dugang nga statement nga ginpagwa sang ahensya, ang termino nga “Sea of Asia” ang isa ka stratehiya agud nga mangin relevant ang kaso sa international community.
Gin-athag sang ahensya nga wala ini nagakahulugan nga nagaluya ang territorial claims sang Pilipinas.
Ang termino nga “Sea of Asia” suno sa ahensya ang naga-exceed sa territorial claims kag disputes.
