Sulod na ang 18-anyos nga Pinay tennis star nga si Alex Eala sa semifinals sang Women’s Tennis Association (WTA) Canberra International doubles tournament sa Australia.
Nadag-an nanday Eala kag sang iya partner nga si Laura Pigossi sang Brazil ang quarterfinal match paagi sa walkover batok kanday Anna Bondar sang Hungary kag Celine Naef sang Switzerland.
Antes ang quarterfinals, nakahimo sang upset sanday Eala sang ginlutos nila ang anay world No. 1 doubles player nga si Sara Errani sang Italy kag Renata Zarazua sang Mexico sa round of 16.
Ini ang labing-una nga hampang sang Pinay tennis ace matapos nga nalab-ot ang career-best ranking nga number 185 sa WTA standings sang New Year’s Day.#
