ILOILO CITY- May pagbag-o sa direksyon sang career sang Ilonggo pop balladeer nga si JM Bales para sa subong nga tuig.
Suno sa singer nga amo ang tingog sa phenomenal hit song nga “Magandang Dilag” nga kaangay nangin paborito nga kanta sa mga pageants, luyag niya nga sudlon ang jazz-pop nga genre.
Pahayag ni JM, luyag niya nga mag-grow bilang singer kag sa pagkamatuod, natalana na nga ipagwa sa masunod nga bulan ang labing una niya nga jazz-pop single.
Matandaan nga si JM man ang nag-serenade sa mga kandidata sang Miss Iloilo 2024 sang nagligad nga Sabado kun sa diin ang tiglawas sang Leon nga si Alexie Mae Caimoso Brooks ang ginkoronahan.
Una nga nabatian ang hit song nga Magandang Dilag sa inaugural edition sang Miss Universe Philippines 2020 sang ang Ilongga nga si Rabiya Mateo ang nagdaug.
