Nag-abiso ang Civil Aviation Authority of the Philippines (CAAP) sa mga piloto nga likawan ang paglabay malapit sa Bulkan Mayon bangud sa phreatic eruption.
Sa notice to airmen (NOTAM) nga ginpaguwa sang talatapan, nakasaad nga ginadumilian ang flights nga mag-operate sang 10,000 ka tapak halin sa surface kag gina-abisuhan man sila nga magpalayo sa baba sang bulkan bangud sa indi sini normal nga sitwasyon subong.
“With Mayon Volcano now on Alert Level 2, flights have been prohibited to operate 10,000 feet from the surface and advised to avoid flying close to the volcano’s summit as ash from the sudden phreatic eruption can be hazardous to aircraft,” pahayag sang CAAP.
Base sa seismic record, natabo ang phreatic eruption sa bulkan pasado ‘las kuatro kahapon kag naglawig sang apat ka minutos kag siyam ka segundos.
May na-report man nga nagkalahulog nga mga bato, pyroclastic density currents, kag 1,200 metros nga kataason sang aso halin sa tuktok sang bulkan.
Nagapabilin ini subong sa Alert Level 2.#
