Nagpasalamat ang hari sang Britanya sa tanan nga nagsuporta sa iya kag nagpadala sang mensahe kasunod sang pagsabubliko sang Buckingham Palace nga may sakit ini nga cancer.
Sang nagligad nga semana sang gin-anunsyo ang diagnosis sa 75-anyos nga si King Charles nga 18 ka bulan pa lamang nga nagapungko nga hari.
Suno kay Charles, nalipay siya nga ang iya diagnosis ang nagbulig nga masapakan ang mga organisasyon nga nagasuporta sa mga pasyente nga may cancer sa Britanya.
Ang cancer ni King Charles ang ginpahayag nga nadiskubrehan sang nagtinir ini sa ospital agud magpaidalom sa corrective procedure bangud sa benign enlarged prostate.
Wala pa gihapon ginsapubliko subong kun ano nga sahi kag ano nga stage sang cancer ang ginasuprer sang hari apang ginsiling nga positibo ini kag excited nga magbalik sa iya trabaho sa palasyo.
Ang asawa ni Charles nga si Camilla ang una man nagsiling nga maayo subong ang kondisyon sang hari.#
(Hollie Adams/Reuters)
