Patay ang pito ka military advisers lakip na ang tatlo ka senior commanders sang Revolutionary Guard sang Iran bangud sa airstrike sang Israel sa Iranian consulate building sa Damascus, Syria.
Ang natumod nga isa sa napatay amo si Mohammad Reza Zahedi, senior commander sang Islamic Revolutionary Guard Corps nga isa ka leading figure sa elite nga Quds Force ukon ang unit nga nagatutok sa military intelligence kag unconventional warfare.
Suno kay Iranian ambassador Hossein Akbari, ang building nga nahamtang sa tupad sang Iranian embassy, ang gintarget anum ka milya ang kalayuon halin sa Israeli F-35 warplanes.
“We strongly condemn this atrocious terrorist attack that targeted the Iranian consulate building in Damascus and killed a number of innocents,” suno sa Syrian Foreign Minister nga si Faisal Mekdad.
Nagpaandam man ang ambassador sang Iran nga magatimalos sila kasunod sang amo nga hitabo — butang nga ginalantaw nga magapalala pa sang tensyon sa Middle East.
Nagpamalibad naman ang Israel Defense Forces sa pagkomento sa foreign reports.#
