Napatay na sa edad nga 114 ang isa ka Lolo sa Venezuela nga amo anay ang ginkilala sang Guinness World Records sang 2022 bilang pinakatigulang nga tawo nga nagakabuhi sa bilog nga kalibutan.
Ini amo si Juan Vicente Perez Mora nga ang kamatayon ang gin-anunsyo mismo ni Venezuelan President Nicolas Maduro.
Pebrero 4, 2022 sang ginkumpirma sang Guinnness nga ini ang pinakatigulang sa tanan nga tawo sang nagaedad pa lamang ini sang 112 ka tuig kag 253 dias.
Onse ang iya kabataan kag may 41 ka mga apo, 18 ka apo sa tuhod, kag 12 ka great-great-grandchildren.
Kilala man siya bilang isa ka mangunguma nga ginatawag nga si “Tio Vicente”.
Nabun-ag siya sa El Cobre sa Andean state sang Tachira sang Mayo 27, 1909 kun sa diin nagapangsiyam ini sa 10 ka mag-ulutod.
Sa edad nga lima ka tuig, nagsugod na ini sa pagbulig sa iya amay kag mga utod sa pagpanguma partikular na sa pagtapas sang tubo kag pag-harvest sang kape.
Nangin kilala pa ini sa patag sang agrikultura bangud nangin sheriff ini kag gintungdan ang responsibilidad sa pagsolbar sa problema sa duta kag problema sa maghimata.#
— Photo: Jhonny Parra/AFP
