ILOILO CITY- Gin-aresto ang masobra 130 ka mga tawo sa ginpatigayon nga pro-Palestinian protests sa New York University campus, samtang nagasangkad ang student demonstrations sa United States tuhoy sa pagpamomba sang Israel sa Gaza.
Nahibaluan nga pila sa mga prestihiyoso nga unibersidad sa America ang nangin sentro sang mga protesta sang sini lang nga mga sinimena.
Ang mga demonstrasyon ang nagsingki kadungan sang mga debate tuhoy sa pagpang-atake sang Israel sa Gaza, kasunod sang makamamatay nga pagsalakay sang Hamas sang Oktubre 7.
Magluwas sa New York University, mainit man ang protesta sa Yale, Columbia University kag iban nga campuses.
