LEON, ILOILO – Gin-athag sang mga otoridad nga hilway sa gihapon sa rebelde nga grupo ang Pine Forest sa Bucari, Leon, Iloilo.
Sa interview sang Bombo Radyo kay Police Captain John Predic Padilla, hepe sang Leon Municipal Police Station, iya ginpahayag nga apisar isa lang ka barangay ang ginluntaran sang engkwentro kahapon, apang-lain lain ang sitio sang encounter site kag ang bantog nga tourist destination.
Suno kay Padilla, makabig nga ‘safe’ ang Pine Forest kag wala sang dapat nga kabalak-an ang mga turista.
Ginpahayag sini nga may mga nagabantay man nga mga otoridad sa Sitio Tabionan sa diin nahamtang ang tourist destination.
