CEBU CITY – Gin-suspend sang Office of the Ombudsman si Cebu City Mayor Michael Rama.
Suno kay Ombudsman Samuel Martires, magalawig sang anom ka bulan ang suspension ni Rama.
Magluwas kay Rama, suspendido man ang pito ka iban pa nga mga opisyal sang Cebu City Hall bangud sa grave misconduct kag conduct unbecoming of a public officer.
Nag-ugat ini bangud sa pag-reassign sang pila ka mga empleyado sang Cebu City Hall sa diin wala ang mga ini naswelduhan sang 10 ka bulan.
Kaangot sini, gin-athag naman ni Rama nga wala pa siya sang ideya natuhoy diri.
Ginkwestyon man ni Rama ang preventive suspension sa rason nga wala man ini nakabaton sang kopya sang complaint.
Ginatugyan naman sang alkalde sa mga abogado sini ang nasambit nga isyu.
Sa subong, yara pa si Rama sa Manila.
