CONCEPCION, ILOILO – Padayon subong nga ginaimbestigaran ang sunog nga nagluntad sa Mt. Manaphag, Pan de Azucar Island, Brgy. Tambaliza, Concepcion, Iloilo.
Sa interview sang Bombo Radyo kay Fire Officer 1 Jaypee Rabulan, sang Concepcion Fire Station, iya ginpahayag nga isa island barangay ang nasambit nga lugar sa diin mabudlay ang transportasyon rason nga wala gilayon mapalong ang kalayo.
Suno kay Rabulan, nakabaton sila ang impormasyon nga hungod nga ginsunog ang portion sang bukid agud mahawanan ini.
Apang wala nakontrol ang kalayo kag nagmakot ini.
Nalakip naman sa nasunog amo ang mga kakahuyan sang bukid.
Nahibaluan nga makit-an man sa nasambit nga bukid ang mga amo kag agila.
