Gintawag ni President Ferdinand Marcos Jr. nga ‘professional liar’ si anay Philippine Drug Enforcement Agency (PDEA) agent Jonathan Morales.
Si Morales ang nagtudlo sa Chief Executive nga naangot sa drug operation sang Marso 11, 2012.
Suno kay Marcos, wala sang basehan kag wala sang pulos ang mga ginapangwakal ni Morales sa ginpatigayon nga Senate hearing sa diin na-leak ang operational documents sang ahensya nga naga-angot sa iya kag sa Diamond star nga si Maricel Soriano sa paggamit sang iligal nga droga.
Ginpaanggid pa ni Marcos si Morales sa karaoke machine nga matukar sang anuman nga kanta kun hulugan sang kwarta.
“This fellow is a professional liar at parang jukebox ‘yan,” pahayag ni Marcos sa atubang sang mga reporters sa General Santos City.
“Basta maghulog ka ng pera, kahit anong kantang gusto mo, kakantahin niya,” dugang pa sang presidente.
“Iyon ang hanapbuhay yata niya, kaya professional liar ang tawag ko sa kanya,” he continued.
Ginpahayag ni Marcos nga wala sang pulos ang pagpamati kay Morales bangud kilala na ini nga wala nagsugid sang matuod kag kun sin-o lang ang mga ginatudlo sini.
“Walang saysay. Tingnan mo na lang ang kanyang record.”
“Marami siyang history na kung sino-sino sinasangkot kung saan-saan.”
Una na nga gin-athag sang PDEA nga wala si Marcos sa ila drugs watchlist.
