ILIGAN CITY – Ginpahayag ni President Ferdinand ”Bongbong” Marcos Jr. nga target sang iya administrasyon nga himuon ang Northern Mindanao bilang nagapanguna nga agricultural hub sa Pilipinas.
Ginhimo ni Marcos ang pahayag kadungan sang ginhimo nga pagpanagtag sang presidential assistance sa mga mangunguma. manugpangisda kag sa ila pamilya sa Iligan City.
Diri kag nagpanagtag ini sang P10,000 sa kada beneficiaries sa Iligan City, Lanao del Norte kag Misamis Occidental.
Lakip sa mga proyekto nga ipatuman sang national kag local government, amo ang Panguil Bay Bridge, nga magakonekta sa Tangub, Misamis Occidental kag Tubod, Lanao del Norte.
Magapatigayon man sang expansion, rehabilitation, kag development projects sa mga airports sa Ozamiz, Camiguin, Lumbia, Bukidnon, kag Laguindingan.
Samtang ang local government sang Iligan City ang nagbaton naman sang P10.5 million nga presidential assistance kaupod ang provincial governments sang Lanao del Norte kag Misamis Occidental, nga nagbaton sang P13.9 million kag P24.3 million.
